"Truth can be stated in a thousand different ways, yet each one can be true." - Swami Vivekanand

Friday, October 2, 2009

" We are responsible for what we are, and whatever we wish ourselves to be, we have the power to make ourselves. If what we are now has been the result of our own past actions, it certainly follows that whatever we wish to be in future can be produced by our present actions; so we have to know how to act. "

-Swami Vivekanand.


हे स्वामी विवेकानंदांचे माझ्या वाचनात आलेले अत्यंत तार्किक आणि सुंदर अमृतवचन आहे. मला वाटलेला त्याचा स्वैर अनुवाद : " आपण जे आहोत आणि आपण जे होऊ इच्छितो त्याला आपण स्वतःच कारणीभूत असतो, स्वतःला घडविण्याची शक्ती आपल्यातच आहे. आपण आत्ता जे आहोत तो गतकाळातील आपल्या स्वतःच्या कर्माचा (क्रियांचा) परिणाम असेल, तर त्यावरून साहजिकच हे सिद्ध होतं की आपल्याला भविष्यात जे व्हायचं आहे ते आपण आपल्या वर्तमानकाळातील कर्माने (क्रियांनी) घडवू शकतो; म्हणजे आपल्याला माहिती हवे की आपण काय करायचे आहे."

जरी हा स्वैरानुवाद जरा किचकट झाला असला तरीही हे अमृतवचन लक्षात ठेवण्यासारखे आणि सांगण्यासारखे आहे.
---------------------------------------X----------X----------X-------------------------------

आज गांधीजींची जयंती. महात्मा गांधींना नम्र अभिवादन. गांधीजींना कोणीही कितीही काहीही म्हणो परंतु मला खरोखरच गांधीजी म्हणजे एक निर्भय, सत्यप्रिय, प्रामाणिक व्यक्तिमत्व वाटतं. त्यांच्या चुका काढणं सोपं आहे. परंतु त्यांनी केलेल्या कामावर, त्यांच्या विचारावर बोलणं कठीण आहे. त्याचं साहित्य, त्यांचे विचार न वाचताच त्यांच्यावर टीका करणारे महाभाग मी पाहिले आहेत. गांधीजींचे हिंदुत्वाबाबत असलेले विचार हे अचंबित करणारे आहेत. रामनामाबाबत त्यांचे चिंतन अनोखे आहे.
त्यांचे काही विचार मला पटत नाहीत. परंतु आज गांधीजींची हेटाळणी करण्याचा जो प्रघात आहे, आणि शाळकरी मुलांनीसुद्धा काहीही न वाचता त्यांची टिंगल करण्याचा जो प्रकार आहे त्याचं वाईट वाटतं.

पुढे कधीतरी गांधीजींबद्दल सविस्तर लिहीनच. सध्या त्यांच्या जयंतीनिमित्ताने एवढेच पुरे.

1 comment:

  1. tujha ha blog khup mast ahe tujhe vichar ani jya prakare mandle ahe te khup chan ahe pan hey gandhi varti je lihile ahe te mala itkasa patat nahi arthat hey majhe vaiyaktik mat ahe pan ekandar ha blog chan ahe

    ReplyDelete